RealRapidRevision For Exam
1-Exam hamare jeevan ka ek important barrier h, jise paar kar lene me hi hamari jeet h.
2-Life me hame kai baar alag alag tarah k Exam dene padte h, iseliye is se dar kar bhagna bekar h.
3-RealRapidRevision aapko flexible banata h har tarah ki paristhiti k liye.
4- Life Me bade kaam karne k liye hame ek bade urja star ki aavasyakta hoti h, jo bina persistent, aur consistency k sambhav nahi h.
5- First Silence then Focus then Learn then Earn then Grow and Enjoy, the way of success.
6-A unique story of Shree Ramchandra –
Raja k putra hone k baad bhi Shree Ram ji ko apna jeevan star ucha karne k liye bachpan me hi raj vaibhav tyag kar gurukul aashram me jan pada ,jaha aam manushya ki tarah sangharsh karke unhone apne aap ko knowledge se shareerik roop se shaktishali banaya aur jeevan ka pahla exam clear kiya.
Iske baad unhone seekhe hue shastr aur shastro ka prayog rishiyo ki vagyanik sadhna ki suraksha karne me kiya ,is tarah se unhone apni seekhi gaye kaushal ko exmine kiya.
Iske baad jab unke pita ne unhe apna uttaradhikari ghosit kiya lekin kisee karan se parivaar me sahmati n hone k karan unhe vanvas jana pada vo bhi 14 years k liye, is tarah se unke patience ka exam hua jise unhone accept kiya aur clear kiya.
Van me nivaas karne k time unhe apna jeevan kand mool fhal khakar hi bitana pada jis se vo kabhi vichalit nahi hue.
Van me Ravan ne unki patni mata Seeta ka haran kar liya lekin vo ghabrae nahi balki unhone tatkaal unhe khojna start kar diya aur har tarh k jeev jantuo se freindship ki aur apne good charecter k karan se sabko ekjut karne me safal rahe .
Jab unhone Bali ko mara aur Vibheesan ko saran di , to bhi unhone ek kadam aage badhkar buddhi aur sahas ka parichay diya jis se manvta ki raksha hui.
Jab unhone Ravan se yuddh kiya aur jeet gaye to unhone bina ego dhikaye hi jeeta hua sara rajya Vibheeshan ji ko with rispect vapas de diya jis se ye siddh ho gaya ki unhe kisee tarah se bhi rajya ki lalsa nahi thi ,ye unke charecter ka sabse unnat exam tha jise unhone charectervise clear kiya.
Jab 14 years ka vanvaas complete hua aur vo vaha se vapas laute to jin logo ne unki help ki thi aur unhone lautne par milne ka vachan diya tha vo sabse pahle unse milne gaye aur kiya promise complete kiya.
Ghar aane par jab unka rajyabhishek hua to unhone apne parivar me fir se prem sthapit kiya aur mata Kaikeyi k prati koi rosh prakat nai kiya, balki Shree Bharat Ji k tyag ki prasansa ki aur unke prati vishesh prem samman prakat kia sur unhe khud se bhi bada bataye.
Kuch time baad jab mata Seeta ko van gama karna pada to raja hote hue bhi unhone samaaj k prati kisee prakar ka rosh prakat nahi kiya jiske unargal doubt se mata Seeta ko Prabhu Shree Ram se door van me jakar rahna pada tha. Shree Ram akele pad gaye lekin toote nahi.
Ant me jab mata Seeta apne baccho k sath vapas aayi aur unhe Shree Ram ko Saupkar dharti me sama gayi fir bhi Shree Ram ne apne jeevan ko aage badhaya aur ek acchi Sanatan sanskriti ki pran pratistha ki aur at last apne jeevan me prapt ki hui sari uplabdhi ka tyag kar Saryu nadi me prasthan kar gaye.
Is tarah se Shree Ramchandra ji k patience, buddhi , sahas, gyan aur nature ka Specially Great Exam hua aur har Exam me unhone apni greatness dhikhai aur apna jeevan safal banaya.
Moral of the subject Exam Sence–
Hame apne life me yahi learn karna h ki ,ye kabhi bhi bahut aasan nahi hoti bahut seedhi nahi hoti hai, jeevan me ek time par hame jimmedari uthane k liye ready ho jana chahiye aur life isee madhyam se hamara exam leti h,hame girati h dard deti h, hame sahna samjhna sikhati h,decision lena sikhati h, isee madhyam se hamare andar ek leadership create karti hai aur at last ek leader bana deti h.